شاف ماشاف .. شاف الفيسبوك واخترع

هذا موضوع ورسالة
الى كل عراقي في اميركا
الى كل عراقي ناوي يجي الى اميركا


الى اولياء الامور

لتنطون تلفوناتكم بيد المزعطة الي بس يطكون صور وينشروها على الفيسبوك

ولمن ننتقد العائلة

تجاوبنا الام ( ام المزعطة )
عيني اشدعوة اشصار همة صغار ويريدون يتونسون

احب اجاوب كل ام (فاهية) وكل اب ( ماعنده سيطرة ) على بيته

بانه هاي العادة مو حلوة يعني صارت توبة اذا يجي خطار راسن تبدا الصور جاق جيق

واذا نروح خطار نفس الحالة ورا عشر دقايق تنزل الصور بالفيسبوك

طبعا القضية مو بس صورة شخصية , لا بل امك واختك وخالتك كلهن طالعات بالصورة

اتمنى من كل عائلة ان تلتفت على اولادها
لانه هاي مسالة ذوق

اميركا مو بلد حريات (على طريقة عراقية)
الحرية في اميركا معناها انت حر بما يخصك وليس بما يخص غيرك




اذا شخص عنده حل
ياريت يسعفنا لانه واصلين مرحلة تعبانة كلش